«МӘҢГІЛІК ЕЛ – МӘРТЕБЕЛІ ЕЛ» АТТЫ ОНКҮНДІК БАСТАЛДЫ
Alpamys school мектебінде қазақ тілінің маңыздылығын арттырып, оқушыларды ана тілін құрметтеуге, қадір-қасиетін ұғындыруға бағытталған «Мәңгілік ел – мәртебелі ел» атты онкүндік басталды.
Ертемен ұлттық әуенмен оқушыларды қарсы алған қазақ тілі мен әдебиеті мұғалімдері оқушылармен түрлі зияткерлік ойындар өткізді. Балалар викториналық сұрақтарға жауап беріп, тәтті сыйлықтар жеңіп алды, «Қара жорға» биін билеп, жетігеннен төгілген әсем сазды тыңдады.
Онкүндік барысында «Тәуелсіздік – тұғырым» атты зияткерлік сайыс, Ұлттық мұражайға бару, «Тақия» күні, Ұлттық әшекей бұйымдар күні, «Қос бұрым» күні, «Ұлттық киім күні» өтетін болады.
