Жәкенов Мейрам Әміржанұлы
- 1954 жылы туылған
- Қазақ
- Білімі – жоғары
- 1976 жылы Қарағанды политехникалық институтын «Инженер-педагог» мамандығы бойынша бітірген
- 1990 жылы Ленинград мемлекеттік университетін «Португал тілі» мамандығы бойынша бітірген
Мейрам Әміржанұлы өзінің еңбек жолын 1977 жылы Көкшетау индустриальді-педагогикалық техникум мұғалімі ретінде бастап, кейін техникум директорының оқу ісі жөніндегі орынбасары болып көтерілді.
В 1990-1993 годы работал в Анголе преподавателем методики и психологии педагогического института, переводчиком португальского языка.
1990-1993 жылдары Ангола мемлекетінің педагогикалық институтында әдістеме және психология пәндерінен дәріс оқып, португал тілінің аудармашысы қызметін атқарды.
1993, 2000 жылдар аралығында Қарағанды облыстық оқу-әдістемелік орталығы директорының орынбасары, дарынды балаларға арналған «Мұрагер» мектебі директорының оқу ісі жөніндегі орынбасары болып жұмыс істесе, 2007 жылы Қарағанды облысы дарынды балалармен жұмыс аймақтық ғылыми – әдістемелік орталығының директоры болып тағайындалды.
2008 жылы ол Қазақстандағы бірінші, Астана қаласындағы физика-математика бағытындағы Интеллектуалды мектептің директоры болып тағайындалды.
2022 жылдың 1 қыркүйегінен бастап Alpamys school мектебінің директоры
Мейрам Әміржанұлы дарынды балалармен жұмыс жайлы жазылған көптеген ғылыми еңбектердің авторы. Оның «Дарынды балалардың интеллектуалды іс-әрекетін ғылыми ұйымдастыру», «Оқушылар құзырлығын рейтингілік жүйемен бағалау» атты еңбектері тек Қарағанды облысы ғана емес, сондай-ақ Оңтүстік Қазақстан, Қызылорда өңірлерінде практикада кеңінен қолданылады.
«Құрмет» орденінің кавалері, Ы.Алтынсарин төсбелгісімен марапатталған, Қазақстан Республикасының үздік білім қызметкері болып табылады.