ALPAMYS SCHOOL-да ӨТКЕН «КОД САҒАТЫ»
Алпамыс мектебінің 3-11 сынып оқушылары «Код сағаты» атты жаһандық іс-шараға белсенді қатысты. Бұл 180-нен астам елден миллиондаған студенттер мен оқушыларды біріктіретін ауқымды қозғалыс.
«Код сағаты» шарасы барысында оқушылар жасанды интеллект және нейрондық желілермен жақын танысты. Олар нақты бейнелерді жасанды интеллект арқылы жасалған бейнелерден ажыратуды үйренді. Сондай-ақ балалар бағдарламалау негіздерін игеріп, нейрондық желілер арқылы мәтінді дыбыстауға жаттықты.
Іс-шараның негізгі мақсаты оқушыларды бағдарламалау негіздеріне үйрету, жасанды интеллектке қызығушылығын ояту және ақпараттық технологиялар (IT) және ғылым, технология, инженерия және математика (STEM) салаларында болашақта табысқа жетуге шабыттандыру болды.
